कृषिमा सफल गेहेन्द्र

कृषक गेहेन्द्र

                                         गेहेन्द्रले आफुले जानेको सल्लाह सुझाव घरमै पुगेर दिने गरेका छन । कृषि प्रतिको लगाव र मेहेनतले आफुलाई चिनाउन सफल भएका धितालले गरेको कृषि कर्मको अवलोकन गर्न विभिन्न स्थान बाट कृषकहरु आउने र ज्ञान लिएर जाने गरेका छन ।

         

खगेन्द्र दाहाल 

। 

नेपालगन्ज  

       बाँके सितापुर ३ का गेहेन्द्र प्रसाद धितालले २०५६ सालमा ६० हजारमा १० कठ्ठा जग्गा किने । जग्गा किनेको एक  वर्ष भित्रमै उक्त जग्गामा तरकारी खेती गरेर उनले ७० हजार कमाउन सफल भए ।
     तरकारी खेतीबाट जग्गाको मुल्य उठेपछि धिताललाई तरकारी खेतीबाट मनग्य आम्दानी गर्न सकिने कुरा थाहा भयो । त्यसपछि उनले  तरकारी खेतीलाई बिस्तार गर्दै लगे ।  तरकारी खेतीबाटै आएको पैसाले उनले १ बिगाह जग्गा अरु थपे । हाल धितालले डेढ बिगाहमा तरकारी खेती गरेर वार्षिक पाच लाख सम्मको आम्दानी गर्दै आएका छन् । उनले एक बिगाहमा टमाटर खेती गरेका छन् भने अरु जग्गामा बन्दागोपी, ब्रो काउली, फर्सी लगाएतका मौसमी तथा  बेमौसमी तरकारी खेती गर्दै आएका छन् । एक सिजन अर्थात ६ महिनामा टमाटर मात्र २ सय  क्विन्टल उत्पादन गर्ने  उनले बताए ।

१५ वर्ष भयो उनले तरकारी खेतीलाई व्यवसायीक रुपमा अघि बढाएको ।  । हालसम्म तरकारी खेतीको बारेमा उनले कुनै तालिम लिएका छैनन् । उनले स्वअध्ययन रुपमा व्यवसायिक तरकारी खेतीलाई अघि बढाएका छन । कृषक धितालले पहिले शुरुमा तरकारी खेती गर्दा उनका छिमेकिहरु कसैले व्यवसायिक रुपमा तरकारी खेती गरेका थिएनन । जव उनले तरकारी खेतीमा व्यवसायिक रुपमा लागेर  राम्रो आम्दानि गर्न थाले त्यसपछि त्यहि देखेर थुप्रै कृषकहरु पनि व्यवसायिक बनेका छन । उनका छिमेकि समेत अहिले व्यवसायिक तरकारी खेती गर्ने गरेका छन ।

गेहेन्द्रले आफुले जानेको सल्लाह सुझाव घरमै पुगेर दिने गरेका छन । कृषि प्रतिको लगाव र मेहेनतले आफुलाई चिनाउन सफल भएका धितालले गरेको कृषि कर्मको अवलोकन गर्न विभिन्न स्थान बाट कृषकहरु आउने र ज्ञान लिएर जाने गरेका छन ।

 कपास विकास समितीमा खरीदार पदको जागिर छाडेर व्यवसायिक तरकारी खेतीमा लागेका धिताललाई जागिर छाडेको कुनै पछुतो छैन । हाल उनि लालिगुरास तरकारी खेती कृषक समुहका कोषाधक्ष्य समेत रहेका छन । ७ जनाको परिवार लाई  सन्तुष्ट राख्न सफल भएका कृषक धिताल भन्छन्, ‘मेरो हात पाउ चल्दा सम्म मैले व्यवसायिक तरकारी खेतीलाई निरन्तरता दिन्छु’ । तरकारी सगै उनले कागती आँप लिचि लगाएतका फलफुल आफ्नो बारीमा उत्पादन गर्दै आएका छन । एस एल सि पास गरेका उनि ५९ वर्षका भए । छोरा छोरीलाई उनले राम्रो शिक्षा दिक्षा दिएका छन । घरमा आफु र श्रीमति मिलेर तरकारी गर्दै आएका उनले बेला बखतमा थप कामदार राख्ने गरेका छन । उनको बारीमा उत्पादन हुने तरकारी तथा फलफुल नेपालन्ज लगाएतको क्षेत्रमा खपत हुने गरेको छ ।