अबैध पशुपंक्षि आयातमा कडाई

नेपालगन्ज ०७ असार । 
         अबैध पैठारी नियन्त्रण कार्यादलको  यो आर्थिक बर्षको अन्तीम बैठक विहिबार बसेको छ । पशु क्वारेन्टाइन चेक पोष्ट कार्यलय नेपालगन्जमा बसेको बैठकले अबैध पशुपक्षि जन्य बस्तु भारतबाट भित्रन नदिन थप कार्वाहि अघि बढाउने निर्णय गरेको छ ।
 जिल्लामा विगतका केहि महिना यता अबैध रुपमा भित्रने गरेका पशुपक्षिजन्य बस्तु आयातमा कमि आएको कार्यादलका सम्योजक तथा पशु क्वारेन्टाइन कार्यालय नेपालगन्जका निमित्त प्रमुख राम सेवक त्रिपाठिले जानकारी दिए । त्रिपाठिका अनुसार यो आर्थिक बर्षमा बाँके, बर्दिया र दाङ्ग गरेर अबैध चोरी निकासी, पैठारी गरीरहेका बाट जरीवाना स्वरुप  ८ लाख २२ हजार राजस्व समेत सङकलन भएको बताए ।

बाँकेबाट ६ लाख ११ हजार राजस्व सङकलन भएको छ । सुरक्षा निकाय, नेपालगन्ज उप महानगरपालिका पशु सेवा शाखा, कृषि पत्रकार लगाएतको प्रतिनिधि सहित बसेर गरीएको बैठकमा बोल्दै जिल्ला ट्राफिक कार्यालय प्रमुख हिरेन्द्र बहादुर रोकायाले जिल्ला भित्र पशुपक्षिलाई दुख दिने गरी ओसार पसार गरेको पाइने कावार्हि गरीने प्रतिबद्वता जनाए । प्रमुख रोकायाले सार्वजनिक सवारी साधन मुख्य तारगेटमा रहेको बताए । ‘पशुपक्षिको अधिकारलाई कुल्चेर जो कोहिले ओसार पसार गर्छ त्यो कारबाहिको दायरामा आउने छ’, प्रमुख रोकायाले भने । नेपालगन्ज पशुसेवा शाखाका प्रावधिक भोजराज रावलले  अबैध कुखुरा रोक्ने गरी समन्वय सहकार्य भइरहेको बताए ।

सामुदायिक कुकुरहरुको बन्ध्याकरण सुरु (फोटो फिचर सहित)

 

दुई सय कुकुरको बन्ध्याकरण गर्ने लक्ष्य

नेपालगन्ज ०६ असार । 
           नेपालगञ्जमा सामुदायिक कुकुरहरुको बन्ध्याकरण सुरु भएको छ । एनिमल नेपाल र जिल्ला पशु सेवा कार्यालय बाँकेको सहकार्यमा                                                                         नेपालगञ्ज उपमहानगरपालिकाले एक हप्ते बन्ध्याकरण शिविरको आयोजना गरेको हो । शिविरमा पहिलो दिन दुई दर्जन कुकुरको बन्ध्याकरण गरीएको छ ।

 सामुदायिक कुकुरहरुको बन्ध्याकरण गर्नकै लागी एनिमल नेपालको स्पेसल टिम काठमाडौ बाट झिकाइएको छ । एक सातामा दुई सय बढि कुकुरको बन्ध्याकरण गर्ने लक्ष्य रहेको नेपालगञ्ज उपमहानगरपालिका पशु सेवा शाखा प्रमुख तथा पशु चिकित्सक डा.अपार पौडेलले जानकारी दिए ।

स्पेसल टिमले नगरमा भएका सामुदायिक कुकुरहरुलाई जालीको सहाराले छोपेर भेटेनरी एम्बुलेन्समा राखी एक दिन आराम गर्न दिएर बन्ध्याकरण गराइने  प्रमुख पौडेलले बताए । कुकुरको जनसङख्यामा कमि ल्याई रेविज रोग नियन्त्रण गर्ने उदेश्यले लिइएको पौडेलले जनाए ।   नेपालगञ्जमा सामुदायिक कुकुरको संख्यामा अत्याधिक बृद्धि हुदाँ विभिन्न दुर्घटना समेत निम्तीएको भन्दै बन्ध्याकरण शिविर सञ्चालन गरीसकेपछि केहि सङख्यामा भएपनि कुकुरको जनसङख्यामा कमि आउने पौडेलले बताए । हाल नेपालगञ्ज क्षेत्रमा एक हजार बढी सामुदायिक कुकुरको रहेको उप महानगर पालिकाले जनाएको छ । 

किसानलाई साना सिचाई सामाग्री वितरण

   खजुरा ३१ जेष्ठ । 
         
          खजुरा गाउँपालिकाले व्यवसायिक कृषि समुह र सहकारीहरुलाई साना सिचाई  सामाग्री वितरण गरेको छ । गाउँपालिकामा रहेका ४ वटा कृषक समुह र सहकारीहरुलाई एक कार्यक्रमको आयोजना गरी सामाग्री वितरण गरीएको हो ।

साना सिचाई सामाग्री वितरण गर्दे गाउँपालिका अध्यक्ष किस्मत कुमार कक्षपतिले पाएको सामानको सहि सदुपयोग गर्न किसानहरुलाई अनुरोध गरे । कक्षपतिले खजुरालाई कृषिमा आत्मनिर्भर गराउने उद्देश्यले नयाँ योजना ल्याउन लागेको बताए । उनले यो वर्ष कृषिमा निशर्त बजेट आएको भन्दै आगामि वर्षमा कृषिमा क्षेत्रगत रुपमा बजेट ल्याउने तयारी गाउँपालिकाले गरेको जनाए । 

गाउँपालिका कृषि शाखाको अनुदान सहयोगमा वितरण गरीएको साना सिचाई सामाग्रीमा बोडिङ्ग सेट, पम्पसेट, मोटर, सिचाई पाइप रहेको थियो । खजुरा गाउँपालिका कृषि शाखाले साना सिचाई खरिदमा २ लाख ९१ हजार रुपैया अनुदान सहयोग  दिएको थियो भने कृषक समुहले ३६ हजार  ६ सय ६० रुपैया स्वयम लगानि गरेको गाउँपालिका कृषि शाखाका प्रमुख सुरेन्द्र ठाकुरले जानकारी दिए ।

 खजुरा गाउँपालिका वडा नम्बर २ सि गाउँमा रहेको शिव शंकर कृषक समुह, वडा नम्बर २ को लालीगुराँस कृषक समुह, वडा नम्बर ७ बठुवामा रहेको हरियाली कृषक समुह र वडा नम्बर ३ विगाउँमा रहेको दिप ससक्तीकरण कृषि सहकारी सस्थालाई वितरण गरीएको गाउँपालिकाले जनाएको छ ।

गाई पालनबाट मासिक १ लाख ४० हजार बचत गर्दे विष्णु

       खगेन्द्र दाहाल, नेपालगन्ज । 
 
       पढेलेखेकाहरुले कृषि पेशा खुलेर अंगाल्ने मनोविज्ञान हाम्रो समाजमा अझै बन्न सकेको छैन । तर, डिग्रीसम्मको अध्ययन गरेका बाँकेको कोहलपुर नगरपालिका वडा नं. ८ पिपरीका कृषक विष्णु पोखरेल व्यवसायिक गाईपालनमा जमेका छन । पोखरेल आफ्नो कर्मप्रति गर्व मात्रै गर्देन कि अरु युवाहरुलाई पनि भौतारिनु र विदेश नै ताक्न छाडि आफ्नै ठाउँमा मिहिनेत गर्न हौसला दिन्छन । पोखरेलले अध्यापन र एउटा एनजिओको जागिर छाडेर गाईपालनमा लागेपछि धेरैले अनौठो पनि माने ।

    डिग्री पढेको मान्छे गोबर सोहोरिरहेको देखेपछि खिसिट्युरी गर्नेहरुको कमी छैन । तर कृषक पोखरेललाई आफ्नो काममा गर्व छ । यहि गरेरै खानुपर्छ भन्ने मान्यताले करिब १ दशकअघि उनि गाईपालमा लागेका छन । पोखरेलको फर्म अहिले बाँके जिल्लाकै ठुलो गाईपालन फर्म हो । दैनिक २ सय २५ देखि २ सय ३५ लिटरसम्म दुध उत्पादन हुने फर्ममा हाल ३५ वटा उन्नत जातका गाई छन् । गाईको दुधबाटै मासिक २ लाखको कारोबार हुन्छ । यसमा पनि १ लाख ४० हजार सम्म प्रति महिना मुनाफा गर्दे आएको कृषक पोखरेलले बताए । कृषि पेशामा जबसम्म पढेलेखेका मानिसहरुको उल्लेख्य प्रवेश हुँदैन तबसम्म देशको विकास नहुने पोखरेलको बुझाई छ । उनि आफुले आर्जन गरेको शिक्षाकै कारण गाईपालन व्यवसायमा टिकिराख्न र गम्भिरतापुर्वक बुझ्न सफल भएको बताउछन ।

    २०६५ सालमा बाँकेको खजुरा देखि एयटा गाई पाल्न भनि ल्याएका पोखरेल दम्पतीले विस्तारै उन्नत जातका गाई बढाउदै लगेका हुन । सुरुमा ल्याएको गाईलाई पोखरेलले २५ हजारमा खरिद गरेका थिए । अहिले त उनि सगं  १ लाख ३० हजार मुल्य सम्मका दुधालु गाई छन । गाई पालन गर्दा बेला बखतमा आउने समस्यालाई उनले गुगल सर्च गरेर समस्याको समाधान गर्छन । गाईको कसरी लालनपोषण गर्ने, कस्तो खानेकुरा खुवाउने, मौसम अनुसार घाँसको विरुवा लगाउने जस्ता कुराहरु इन्टरनेटमा हेरेर चाहिने बस्तु मगाउने र सोहि अनुरुप कार्य गर्दे आएका छन ।

    गाई पालनलाई अझै विस्तार गरेर देशकै नमुना गाईपालन फर्म बनाउने योजनामा रहेका पोखरेल अरु उपाय नदेखेर विदेशको बाटो ताकिरहका युवाहरुलाई विदेशको यात्रा अन्य गर्न अनुरोध गर्छन । पोखरेल भन्छन्, ‘खाडि मुलुकमा दिनरात गरी बगाएको पैसा भन्दा नेपालमै आफ्नो परिवार सगै बसेर कमाएको पैसाले सुख दिन्छ ।’ पढेलेखेका युवाहरुले पनि नेपालमै बसेर केहि गरौ केहि नगर्दा सम्म केहि हुनेवाला छैन’ कृषक पोखरेलले भने ।

किसानहरुलाई धानको व्याड राख्न चटारो

खगेन्द्र दाहाल
नेपालगन्ज २६ जेष्ठ । 
       
बाँकेका किसानहरुलाई धानको व्याड राख्न भ्याइ नभ्याइ  छ । ढिलागरी वर्षा सुरु भएकाले किसानको रोपाइँ पनि ढिला सुरु भएपछि धमाधम व्याड राख्न लागेका हुन । यो बेला किसानहरुलाई विउ विजन जोहो गर्ने चटारो हुन्छ । सिचाई सुविधा भएका किसानहरुले भने धानको व्याड राख्दै छन भने सिचाई नभएका स्थानमा आकासे पानिको भर पर्न पर्ने अवस्था छ । असारको पहिलो हत्ता सम्म धानको व्याड राख्न सकिने कृषि विज्ञहरु बताउछन ।

कृषिमा आधुनिकिकरण गर्ने सरकारको योजना अनुसार कतिपय किसानले आधुनिक प्रविधि अपनायर खेती गरीरहेका छन भने कतिपयले पुरानै तरिकाले धानको व्याड राख्ने गरेको जिल्ला कृषि विकास कार्यालयका प्रमुख कृष्ण बहादुर बस्नेतले जानकारी दिए । जिल्ला कृषि विकास कार्यालय बाँकेका अनुसार हाल सम्म ५० प्रतिशत किसानहरुले धानको व्याड राखीसकेका छन ।

 बाँकेमा ३६ हजार ५ सय हेक्टर जमिनमा धान खेती हुने गरेको छ । त्यस मध्ये १५ हजार हेक्टर जमिनमा मात्र सिंचाइँ सुविधा रहेको कृषि विकास कार्यालयले जनाएको छ । बाँकेमा राधा चार, सामा मनसुली, राम, सुख्खा १, २ र ३ लगायतका हाइब्रेड जातको धान खेती गर्ने गरिएको छ ।

बसको डिक्गीमा काठमाडौ लैजादा २० वटा खसी निसास्सिएर मरे

फोटो ः विमला चौधरी

नेपालगन्ज २३ जेष्ठ । 
        पशु अधिकारको गंम्भिर उल्लंघन हुनेगरि अवैद्यानिक तवरले बाँकेबाट काठमाडौ लैजान लागिएका २० वटा खसी निसास्सिएर मरेका छन् । जिल्लाको खजुरा गाउपालिका वडा नम्बर २ रिमझिम चोकबाट काठमान्डौं लैजान भे ५ ख ७४८७ नम्वरको यात्रुबाहक बसको डिक्गीमा राखिएका २६ वटा खसीमध्ये २० वटा मरेको बाँकेका एसपी टेकबहादुर तामाङले जानकारी दिए ।  अपरान्ह लोड गरिएका खसी नेपालगन्जको बसपार्कमा मंगलबार सांझ डिक्गी खोल्दा मरेको अवस्थामा भेटिएको थियो ।

फोटो ः विमला चौधरी

   खजुरा गाउँपालिका २ केशवबहादुर विसी र टेकबहादुर रोकायले विक्रीका लागि खसी काठमान्डौं लैजान लागेको खुलेको छ । एसपि तामाङका अनुसार खसिहरुको क्वारेन्टाईन जाँच समेत नभएको पाइएको छ । तोकिएको ढुवानी साधन बाहेक अन्य साधनमा पशुचौपाय ढुवानी गर्न नपाइने कानुनी व्यवस्था उल्लंघन गरेर खसि लैजान लागेको क्वारेन्टाईन कार्यालय नेपालगन्जका पशु प्राविधिक तिलक आचार्यले बताए ।  अवैद्यानिक तवरले बसमा खसि ओसारपसार गरेको र पशु अधिकारको गम्भिर उल्लंघन गरेको भन्दै बस चालक र मालिक दुवैलाई नियन्त्रणमा लिएको प्रहरीले जनाएको छ । उनीहरुलाई कानुबमोजिक कारबाहि गरिने जनाइएको छ ।

सडकमा पशु चौपाया

नेपालगन्ज । 

       नेपालगन्ज उपमाहनगरपालिकाका सडकमा छाडा पशु चौपायाको सङख्या दिन प्रतिदिन बढ्दो छ ।  पालिका यसलाई नियन्त्रण गर्न असक्षम जस्तै देखिएको छ । निरन्तर छाडा पशु चौपायाका कारण दुर्घटना र सडक वार पार गर्दा समेत मुस्किल पर्ने स्थानिय बताउछन । छाडा रुपमा छाडिएका पशु चौपायालाई बेला बखतमा कान्जि हाउस पु¥याइएको भनियतापनि उक्त क्रम घट्न सकेको छैन । बाख्रायाम सुरु हुनै लाग्दा झनै पशु चौपाया सडकमा देखिन थालेका छन ।

नेपालगन्जको सुर्खेतरोडमा रहेको छाडा पशु चौपाया । 

स्थानियका अनुसार दिन प्रतिदिन नेपालगन्जमा छाडा पशु चौपाया बढ्ने क्रम भएको छ । फाट्फुट रुपमा देखिने गरेका चौपायाहरु हिजो आज सडकनै जाम गर्ने गरी भरीएका छन । एकै स्थानमा दर्जन बढि छाडा पशु चौपायाले सडकमा बस्दा हिडडुल गर्नमै समस्या उत्पन्न गरीदिएको नेपालगन्ज २ का सुवास न्यौपानेले बताए ।  नेपालगन्ज उप माहनगर पालिकाले छाडा पशु चौपाया नियन्त्रण गर्न नसकेको न्यौपानेले  गुनासो गरे । नेपालगन्जको धम्बोझी, विपि चौक, पुस्पलाल चौक छेउछाउका सडकमा वढि छाडा पशु चौपायाले समस्या पारेका छन । जताकतै छाडा पशु चौपाया बढेकाले शहरको सुन्दरतालाई समेत विगारेको नेपालगन्ज कारकादोका अरुण घिमिरेले बताए । उनले आफ्नो सवारी साधन चलाउन नेपालगन्जमा मुस्किल पर्न थालेको बताए । नेपालगन्ज सुर्खेतरोडमा मात्र नभएर न्युरोड, पसपार्करोड, सल्यानि बगला, खजुरा रोड जताकतै छाडा पशु चौपायाको विगविगि बढेको छ । अप्पताल क्षेत्रमा झनै छाडा पशुको सङख्या बढ्दै गएको छ । बाँके गाउका प्रकास केसीले लगाएको तरकारी पनि छाडा पशुचौपायाले नोक्सान पारेको बताए । बेला बखतमा छाडा पशु चौपाया हटाएको भनेपनि झनै बढ्दै गएको र त्यसको प्रत्यक्ष असर नेपालगन्ज क्षेत्रका स्थानिलाई पुगेको छ । छाडा पशुलाई बान्जि हाउसमा राखेर केहि दिन पछि छाडिदा पुन शहरमा फर्केर आउदा समस्या जटिल बन्दै गएको हो ।

खाडीबाट फर्केपछि बाख्रापालन

  

खगेन्द्र दाहाल

बर्दियाः अहिलेका युवाहरुमा रोजगारी भन्ने वित्तिकै कि त सरकारी जागिर कि त विदेश नै सोच्छन् । सबै युवाहरु पनि कमाउन यी दुई बाटोमै दौडिरहेका छन् । धेरैजसो विदेशबाट असफलता हातमा लिएर पनि फर्केका छन् । कति फेरी फर्के भने कतीले विदेशमा हण्टर खाँदै आफ्नै ठाउँमा रोजगारीको सम्भावना देखि लगानी गरेर स्थापीत हु्न्छन् ।
पेढेलेखेर जागिर खाने र विदेशमा मात्रै पैसा कमाउनुपर्छ भन्ने मान्यतालाई बर्दियाका एक युवा किसानले तोडेका छन् । पटक पटक असफलता हात लागेपछि अन्त्यमा पशुपालन व्यवसाय अपनाएका बर्दियाका प्रेम लामिछानेले बाख्रापालन व्यवसायबाटै मनग्य आम्दानी लिन थालेका छन् ।
बर्दिया ठाकुरबाबा नगरपालिका वडा नम्बर २ का लामिछानेको अहिले आफ्नै बाख्रा फार्म छ । २८ वर्षिय युवा किसान लामिछाने व्यवसायमा आउनुअघि वैदेशिक रोजगारीमा थिए । विदेशमा हुँदा पैसा कमाएपनि उनले आफ्नै ठाउँजस्तो सम्मान र सहज वातावरण नपाउँदा यतै बस्ने निधो गरे । अंग्रेजी विषयमा डिग्री गर्न काठमाडौ छिरेका प्रेम घरको आर्थिक अवस्था निकै कमजोर भएपछि उतैबाट झण्डै चार बर्ष जति बैदेशिक रोजगारीमा साउदि अरब पुगे, काम गरे र पैसा पनि कमाए । विदेशमा १६ घण्टा सम्म कठोर परिश्रम गर्न परेको सुनाउँदै उनले भने, ‘सोचेजस्तो विदेशमा पैसा कमाउन सजिलो रहेनछ, धेरै दुःख गर्नुपर्छ, केही भइहालेमा पनि आफ्नो भन्ने कोही छैन । त्यसैले मैले आफ्नै ठाउँमा केही गर्ने सोच अनुसार बाख्रा पाल्ने निधो गरेँ ।’

विदेशबाट घर आएपछि पनि उनले नेपालगन्जमा मदिराको डिलर सन्चालन गरे । अनुभव विनाको नयाँ व्यवसाय भएकै कारण उनले मदिरा व्यवसायमा निकै घाटा बेहोर्नुप¥यो । विदेशमा कमाएको पैसा सबै मदिरा सञ्चालन गर्दा नै खर्च भयो । फेरी जापान जाने तयारी गरिरहेकै अवस्थामा त्यसै विचमा प्रेम बाँके, बर्दिया, सुर्खेत लगायतका क्षेत्रमा किसानले गरेको प्रगति अवलोकन गरे । रेडियोबाट पनि थुप्रै किसानहरु घरमै बसेर प्रगती गरेको सुने । कृषकहरुको मेहनत र उत्पादन देखेर आकर्षित भएका लामिछानेले अन्नतः विदेश जाने सपना त्यागे र बाख्रा पालनतिर लागे । विगत ६ महिना अघिबाट उनले स्थानीय स्तरमै व्यवसायिक बाख्रापालन सुरु गरेका छन् ।
‘शुरुमा बाख्रा पालन गर्दा मेरो मनमा कतै मैले यो यवसाय सुरु गरेर गल्ती त गरेन भन्ने पनि लागेको थियो, तर अहिले निकै खुशी छु, आफ्नै ठाउँमा थोरै समयमा पनि सफलता पाएकोले गौरवाम्भित समेत भएको छु’ उनले भने । युवा किसान लामिछानेको बाख्रा फार्ममा हाल ६० बढि खसि,बोका,बाख्रा, पाठापाठी पुगिसकेका छन । ‘बाख्रा पाल्न सुरु गरेपनि मलाई घरकाले बौलायो पनि भने, सबै पढेर जागिर खाए तर हातमा सर्टिफिकेट हुँदा हुँदै पनि बाख्रा गोठालो भयो भन्ने परिवारको पिरालो थियो । तर अहिले यता राम्रो हुँदा परिवार सबैको साथ पाएको छु,’ उनले आफ्नो अनुभव बताए ।
लामिछानेले अहिले घरमै रोजगारी पाएका छन । कृषक लामिछाने आफु मात्र नभएर उनका घरपरीवार र एकजना गाउकै व्यक्तीले समेत रोजगारी पाएका छन् । बाख्रा पालन गरेरै ठाकुर बाबा नगरपालिकामा कहलिएका लामिछानेलाई विभिन्न सरोकारवाला निकाय व्यक्तीहरुले समेत हौसला प्रदान गर्दे आएका छन् । विदेशमाभन्दा यहि बसेर आत्मसम्मान मिल्ने भएकाले अब विदेश नजाने लामिछानेले बताए । उनले भने, ‘म अहिले यही खुशी छु, मलाई धेरैले चिन्न थालेका छन् । प्रेमलाई डिग्री सम्मको अध्ययन गरेका भाई रमेशले सघाइरहेका छन । मेरो काम हेरेर अन्य युवाहरुले पनि बाख्रा पालन गर्ने सोच बनाएका छन् ।’ उनले आफ्नो बाख्रा फार्ममा विभिन्न उन्नत जातका बाख्रा विभिन्न जिल्लाबाट खरीद गरेर ल्याएका छन् । नेपालमा पनि राम्रो फस्टाएको बोयर जातको बोका समेत लामिछानेले बाख्रा फार्ममा भित्राएका छन् । 

बार्षिक दश लाख बढि आम्दानि गर्ने उदेश्यका साथ बाख्रा पालन गरीरहेका प्रेमले एक वर्षमै सय बढी बाख्रा आफ्नो फर्ममा हुने बताए । प्रेमले बाख्रा पालन गर्नकै लागी डेढ विगाह क्षेत्रफलमा विभिन्न जातका डाले घाँसका विरुवा र भुई घाँस लगाएका छन् । छोटो समयमै ठाकुरबाबा नगरपालिका क्षेत्रमै नमुना व्यवस्थित रुपमा चिनिएको उक्त बाख्रा फार्मलाई कृषक लामिछानेले स्थानिय तहमा प्रेसिका एग्री फार्मको नाममा दर्ता गरेरै सन्चालन गरीरहेका छन । ‘बर्दिया जिल्लाकै नमुना बाख्रा फार्मको रुपमा चिनाउने गरी मेहेनत गरीरहेको छु’ उनले भने ।

कृषि पेशाले दिलायो सन्तुष्टी

 खगेन्द्र दाहाल 

नेपालगञ्ज /  सरकारी जागीर भनेपछि धेरैले मरिहत्ते गर्छन, तर बाँके खजुरा गाउँपालिका १ बेलभार चौधरीपुरका तेज बहादुर थापा आफनो हुदाँ छदाको सरकारी जागीर छाडेर खेतीपातीमै रमाएका छन ।

 तेजबहादुरले नेपाल प्रहरीमा साढे ३ वर्ष जागिरे भएर देशको सेवा गरे । जागिरे हुदा सम्म अरुको दबावमा बस्नुपर्ने, आवश्यक परेको समयमा विदा नमिल्ने भएकाले उनलाई सरकारी जागीर देखी मन मर्दे गयो र जागीर छाडेर खेती किसानी गर्न तर्फ लागे । जागिर छाडीसकेपछि कृषक तेजबहादुरले आप्नो पुर्खौली पेसा कृषि पेसालाई अङगाले ।
पहिले त तेजबहादुरले आफनो सबै परिवार सगै हुदा ४ विगाह क्षेत्रफल सम्म टमाटर खेती गरे । पछि परिवार छुट्टीएकाले केहि कम लगाउने गरेको भएपनि आफुलाई जिवन धान्न प्रयाप्त हुने गरेको उनले बताए । । उनले व्यवसायिक रुपमा टमाटर खेती मात्र नभएर आपँ खेती समेत गर्ने गरेका छन् ।
टमाटर खेती सगंै आम खेती पनि गर्न भ्याएका उनले साढे ३ विगाहा क्षेत्रफलमा मात्र आपँ लगाएका छन् । दशहरी ,अमरपालीका , लाल गुलाव , चौसा , सबेदा , लङ्गडा र हात्ति पाउ जस्ता आँपका जातहरु कृषक तेजबहादुर थापाको वगैचामा रहेका छन् । आँपको विरुवा लगाएपछि दोहोरो फाईदा मिल्ने भएकाले यो व्यवसाय गरेको थापाले बताए ।

आँपको सानो बोट हुन्जेल विभिन्न बाली , तरकारी खेती लगाउन मिल्ने र आँपको बोट ठुलो भैसकेपछि बेसार , पिडालु लगाउन मिल्ने उनको भनाई छ । आँप सानो छदाँ बार्षिक ३० , ४० हजार आम्दानी दिएको भएपनि ठुलो भैसक्दा उनले ५ वर्ष सम्म बार्षिक डेढ लाखमा ठेकेदारलाई ठेक्का दिएका थिए ।  फेरी ठेक्का बढाएर बार्षिक २ लाख ५० हजारमा आँप बगैचा बाट बसी बसी आम्दानी दिने गरेका छन । उनि कृषि काम गरेरै रमाएका छन ।  कृषक तेजबहादुर भन्छन खेती गर्दा मलाई कसैको भनाई सुन्न पद्रैन जहा जतिबेला पनि म जान सक्छु । तरकारी विक्रि गर्न पनि कुनै समस्या छैन बजार नजिक छ । रोग ब्यादी लागेका समयमा पनि कम्तीमा ८५ क्वीन्टल आँप उत्पादन हुने उनको आँप बगैचामा यो पटक पनि रामै उत्पादन भएको छ । खेती किसानी गरेरै आएको आम्दानी बाट ढाइ विगाह जमिन, पक्कि घर, मोटर साइकल इत्यादी जोडेका छन् तेजबहादुरले । विदेश जाने रहर पलाएन भन्ने प्रश्न गर्दा उनले भने  ‘पहिले पासपोर्ट बनाएर जान खोजेपनि अब मन लाग्न छाडेको छ, कृषिमै रमाएको छु । ’