अवैध पंक्षिजन्य वस्तु पैठारी विरुद्ध प्रहरी

नेपालगन्ज १८ भाद्र । 

        भारतबाट बाँकेमा अवैध रुपमा पंक्षिजन्य वस्तु पैठारी गर्नेहरुलाई पक्राउ गर्न प्रहरीले सक्रियता बढाएको छ । प्रहरीले पक्राउ गरि पशु क्वारेन्टाईन कार्यालय नेपालगन्जमा बुझाइएकाहरुबाट यसवार्षको पहिलो डेढ महिनामै २ लाख ९६ हजार जरिवाना असुल भएको छ । जबकी गत आर्थिक वर्षमा वर्षभरि ६ लाख ६६ हजार ५ सय रुपैयाँ जरिवाना असुल भएको थियो ।
       पशु क्वारेन्टाईन कार्यालयका सुचना अधिकारी तिलक आचार्य पहिलो डेढ महिनाको रेकर्डले प्रहरीको सक्रियता बढेको देखिएको बताउछन । यसवर्षको हालसम्म १ हजार ८ सय ८७ कुखुरा र ७ हजार ९ सय ६० चल्ला अवैद्य पैठारी गर्ने २७ जनालाई जरिवाना गरिएको हो । तर, कुखुरा व्यवसायि किसानहरु पक्राउ परकोभन्दा अझै ठुलो परिमाणमा कुखुरा भित्रिरहेको बताउँछन् । त्यसो हुनुमा खुला सिमानासँगै भारतिय क्षेत्रमा सस्तो मुल्यमा पाईनु मुख्य कारण रहेको आचार्यको भनाई छ ।

      यसैबिच, पछिल्लो दुई दिनमा प्रदेश ५ प्रहरीको टोलीले ७६ कुखुरासहित ३ जनालाई पक्रेको छ । ५ नं. प्रदेश प्रहरी कार्यालय दांगको टोलीले आज भारतबाट भित्र्याउँदै गरेको ३७ वटा कुखुरा र ओसारपसारमा प्रयोग भएको २ थान मोटरसाईकलसहित जानकि गाउँपालीकास्थीत सिपुरा नजिकबाट खजुरा गाँउपालीका वडा नं ७ का प्रेम केसी र जगत रानालाई पक्राउ गरेको छ ।
   उनीहरुलाई २०÷२० हजार रुपैया जरीवाना तिराएर छोडिएको छ । हिजो पनि प्रदेश प्रहरीले ४० वटा कुखुरा सहित खजुरा गाउँपालीका ४ का हेमन्त थापालाई पक्राउ गरी बीस हजार ८ सय ८ रुपैया जरिवाना गरि छाडेको थियो ।

बाँकेमा रासायनिक मलको चरम अभाव

                                                                                        





नेपालगन्ज ०७ भाद्र । 
             बाँकेमा रासायनिक मलको चरम अभाव देखीएको छ । कृषि सामग्री केन्द्र लिमिटेडको क्षेत्रिय कार्यालय नेपालगन्जले भदौ एक गते एक साताभित्रै  युरिया मल आईपुग्ने बताएपनि अहिलेसम्म मल आइपुगेको छैन् । धानखेतीको टप ड्रेसिङको समय भएकाले यतिबेला युरिया मल अभावमा छटपटाइरहेको किसानहरुले बताएका छन् ।
     कम्पनीले खरिद गरेको ३० हजार मेट्रिक टन मल भारतमा अड्कििएकाले समस्या भएको कार्यालयका निमित्त प्रमुख रमेश कुमार पौडेलले बताउनुभयो । मल खरिद तथा आपूर्तिको जिम्मा पाएको कृषि सामग्री कम्पनी लिमिटेडले समयमै मल खरिद गरेपनि समयमै आपूर्तिको दायित्व पूरा नगरेको ओमकार कृषि सहकारी संस्था हिरमिनियाका अध्यक्ष विजय कुमार वर्माले बताउनुभएको छ । अब केहि दिनमै टप ड्रेसिङको समय घर्किने भएकोले मल आएपनि त्यसको उपादेयता नरहने उहाँले बताउनुभयो । कृषि सामग्री केन्द्रले खरिद गरेको मल भारतको विशाखापट्टम बन्दरगाहमा थन्किएको छ ।
       कृषि सामग्रीले रेल नपाउँदा ढुवानी गर्न नसकिएको बताउने गरेको नेपालगन्ज कार्यालयका निमत्ति प्रमुख पौडेलको भनाइ छ । केहि दिनमै मल आयात हुने र किसानहरुलाई सहकारीमार्फत वितरण गरिने उहाँले बताउनुभयो । उहाँका अनुसार,  तत्कालै २५०० टन भैरहवा र यति नै मात्रामा वीरगञ्जमा मल आइपुग्ने छ । बाँकी २५ हजार टन मल कहिले आउँछ भन्नेमा स्वयं लिमिटेड समेत अनविज्ञ छ ।

कोहलपुरको खड्गवार स्मार्ट कृषि गाउँ बन्ने

खगेन्द्र दाहाल, कोहलपुर । 
   
      भुमि व्यवस्था, कृषि तथा सहकारी मन्त्रालय प्रदेश नम्बर ५ ले बाँकेको क्षेत्र नम्बर १ कोहलपुर १३ मा स्मार्ट कृषि गाउँ बनाइने भएको छ । प्रदेश नम्बर ५ को सरकारले ल्याएको एक निर्वाचन  क्षेत्र एक  नमुना (स्मार्ट) कृषि गाउ अन्तरगर्त कोहलपुर १३ मा रहेको खड्गवार गाउँलाई स्मार्ट कृषि गाउँ बनाउन लागेको हो ।

 बाँकेका अन्य दुई निर्वाचन क्षेत्रका गाउँ अझै टुङ्गो नलागेको मन्त्रालयले जनाएको छ । कुन स्थानमा  कहाँ नमुना गाउँ छनौट गर्ने भन्न विषयमा सम्बन्धी निर्वाचन क्षेत्रका सांसद, स्थानिय तहका प्रमुख तथा किसानहरु संग नै छलफल गरेर अगाडी बढाइने भएको छ । कोहलपुर १३ मा रहेको खड्गवार गाउँमा  प्राविधि सेवा सहित विभिन्न यन्त्रीकरण प्रयोग गर्दे आधुनिकीकरण तर्फ  स्मार्ट गाउँमा लागू हुने भुमि व्यवस्था, कृषि तथा सहकारी मन्त्रालय प्रदेश नम्बर ५का मन्त्रि आरती पौडेलले जानकारी दिइन । किसानलाई प्राविधिकको अभाव महसुसन हुन नदिन एक जना प्राविधिक प्रदेश सकारले नै नियुक्ती गरेर गाउँमा खटाउने गरी कार्य अगाडी बढाइने मन्त्रि पौडेलले बताइन ।

 गाउँको माटोको कस्तो प्रकृतिको खेतीगर्न सकिन्छ भन्ने विषयमा प्राविधिक तथा विज्ञको सुझाव अनुसार सोही प्रकृतिको तरकारी वा फलफुल उत्पादन गर्न सकिने छ । मन्त्रालय मार्फत प्रदेश नम्बर ५ का ५२ वटा निर्वाचन क्षेत्रमा यस्तो नमुना कृषि गाउँ निर्माण हुने मन्त्रालयका सचिव यमनारायण देवकोटाले जानकारी दिनुभयो । एक नम्बर निर्वाचन क्षेत्र मन्त्रि पौडेलको निर्वाचन क्षेत्र पनि हो ।

होटल व्यवसाय सगै बाख्रा पालनमा

  

खगेन्द्र दाहाल
नेपालगन्ज । 
           

            बाँकेमा कृषि पेशालाई व्यवसायिक रुपमा अंगाल्ने र ठुलो लगानी गर्ने क्रम दिनप्रतिदिन बढ्दो छ । कोहि विदेशबाट फर्केर त कोहि जागिर छाडेर भएपनि व्यवसायिक रुपले कृषि क्षेत्रमा संलग्न भइरहेका छन् । तर, तुल बहादुर कंडेल नेपालगन्जमा चल्तीको रेष्टुरेन्ट व्यवसाय छाडेर बाख्रापालनमा लागेका छन । नेपालगन्जको मुटु भनेर चिनिने धम्बोझीमा रहेको हाम्रो मःम, हिलपार्क रेष्टुरेण्ट जस्तो चलेको होटलमा करौडौको व्यापार  छाडेर बाख्रा पाल्न थाले भन्दा विश्वास नलाग्ला । तर यो कुरा सत्य हो । त्यहि पहिलेका हाम्रो मःम, हिलपार्क रेष्टुरेण्टका सन्चालक तुल बहादुर कंडेल हिजो आज खजुरा गाँउपालिका वडा नम्बर ३ सिर्जनाटोलमा रहेको हिलपार्क कृषि तथा पशुपालन फार्ममा भेटिन्छन ।

 मःम रेष्टुरेण्ट चलाउदा दिनहुँ ४÷५ वटा खसी काट्नुपर्ने र खसिहरुको अभावहुने, लिन पर्दा पनि बुच्चरसगँ लिन पर्ने बाध्यता देखेर बाख्रा पालन तर्फ लागेका कंडेल अहिले पुरा समय बाख्रा फार्ममै खर्च गर्छन ।    सधै खसि लिनका लागी भारतकै भर पर्न परेपछि कंडेलले नेपालमै खसि उत्पादन गर्न सकिन्छ कि भनेर हाल व्यवसायिक रुपमै बाख्रा पालन गरीरहेका छन । उनिसगँ बाख्रा, खसि, पाठा पाठि गरेर अहिले दुई सय बढि छन । कंडेलले बाख्रा पालनमा दुख हुन्छ भन्ने थाह हुदा हुदै पनि यस व्यवसायमा प्रवेस गरे । धेरै किसानहरुले दुख गरेको देखेका कंडेलले आफु पनि अन्य किसान जस्तै मेहेनत गरेर बस्न चाहेको बताए । पैसा नै कमाउछु भनेर आफु बाख्रा पालनमा नलागेको भएपनि विस्तारै यसमा पनि राम्रो आर्थिक आम्दानी हुनेमा ढुक्क भएको तुलबहादुरले बताए ।

 स्वदेशमै बसेर पसिना बगाएर काम गर्नेहो भने राम्रो कमाई गर्न सकिन्छ भन्ने उदाहरण दिन सफल हुदैछन तुलबहादुर । होटल सन्चालन गरेर सम्पन्न भएको देखिएतापनि मानसिक तनाब धेरै हुने हुदा बाख्रा पालनमा सन्तुष्टि मिल्ने गरेको कंडेलले बताए । होटल चलाउदाका बेला कंडेललाई सुगर, युरीएसिड, खुट्टामा हिडडुल गर्नमै समस्या आएपछि शारीरीक परिश्रम पनि आवश्यक रहेछ भन्ने लागेर कृषि पेसा रोज्ने निधो गरेरै बाख्रा पालन सुरु गरेको बताउछन । बाख्रा पालन सुरु गर्नु अधि १ सय ६ केजि तौल रहेको तुलबहादुरको अहिले घटेर ८६ केजीमा झरेका छन ।  कंडेलले बाख्रा सगै खजुरामा हिलपार्क कटेज एण्ड रेष्टुरेन्ट पनि सगसगै लगेका छन । रेष्टुरेन्टमा आफ्नो फार्ममा  उत्पादन भएका खसि, लोकल कुखुरा, हाँस लगाएत खपत गर्ने गरेका छन ।

 कृषि पैसामै बाकि जिवन विताउने योजना सहित बाख्रा पालन गरीरहेका कंडेलले ५ हजार बाख्राको माउ पाल्ने योजना सहित सुरु गरेको सुनाए ।  बाख्रा पालन गर्नकै लागी उनले झण्डै २० विगाह जमिन भाडामा समेत लिएर घाँस खेती गरीरहेका छन । बाँकेमै सबैभन्दा ठुलो लगानीमा बाख्रा पालन गरीरहेका कंडेलले देशकै ठुलो बाख्रा पालन फार्म बनाउने लक्ष्य राखेका छन । हाल उनले पालेको बाख्राको लागी प्रतिदिन पाँच क्विइटल घाँस आवश्यक पर्ने भएकाले कृषक कडेल विहान साझ घाँसकै प्रवन्ध गर्नमा लागीपरेका हुन्छन । उनले पालेका अधिकाश बाख्रालाई विमा गरीएको छ । बाख्रा पालन सगै हाँस लाई पनि वृद्धि गरी गरी हासको मासुको मागलाई पुर्ति गर्ने गरी काम गरीरहेको छु कृषक कंडेलले बताए । खजुरा क्षेत्रमा पर्यटकिय कृषि फार्म बनाएर आन्तरीक पर्यटक भित्राउने कृषक कडेलले योजना रहेको सुनाए ।

अबैध पशुपंक्षि आयातमा कडाई

नेपालगन्ज ०७ असार । 
         अबैध पैठारी नियन्त्रण कार्यादलको  यो आर्थिक बर्षको अन्तीम बैठक विहिबार बसेको छ । पशु क्वारेन्टाइन चेक पोष्ट कार्यलय नेपालगन्जमा बसेको बैठकले अबैध पशुपक्षि जन्य बस्तु भारतबाट भित्रन नदिन थप कार्वाहि अघि बढाउने निर्णय गरेको छ ।
 जिल्लामा विगतका केहि महिना यता अबैध रुपमा भित्रने गरेका पशुपक्षिजन्य बस्तु आयातमा कमि आएको कार्यादलका सम्योजक तथा पशु क्वारेन्टाइन कार्यालय नेपालगन्जका निमित्त प्रमुख राम सेवक त्रिपाठिले जानकारी दिए । त्रिपाठिका अनुसार यो आर्थिक बर्षमा बाँके, बर्दिया र दाङ्ग गरेर अबैध चोरी निकासी, पैठारी गरीरहेका बाट जरीवाना स्वरुप  ८ लाख २२ हजार राजस्व समेत सङकलन भएको बताए ।

बाँकेबाट ६ लाख ११ हजार राजस्व सङकलन भएको छ । सुरक्षा निकाय, नेपालगन्ज उप महानगरपालिका पशु सेवा शाखा, कृषि पत्रकार लगाएतको प्रतिनिधि सहित बसेर गरीएको बैठकमा बोल्दै जिल्ला ट्राफिक कार्यालय प्रमुख हिरेन्द्र बहादुर रोकायाले जिल्ला भित्र पशुपक्षिलाई दुख दिने गरी ओसार पसार गरेको पाइने कावार्हि गरीने प्रतिबद्वता जनाए । प्रमुख रोकायाले सार्वजनिक सवारी साधन मुख्य तारगेटमा रहेको बताए । ‘पशुपक्षिको अधिकारलाई कुल्चेर जो कोहिले ओसार पसार गर्छ त्यो कारबाहिको दायरामा आउने छ’, प्रमुख रोकायाले भने । नेपालगन्ज पशुसेवा शाखाका प्रावधिक भोजराज रावलले  अबैध कुखुरा रोक्ने गरी समन्वय सहकार्य भइरहेको बताए ।

सामुदायिक कुकुरहरुको बन्ध्याकरण सुरु (फोटो फिचर सहित)

 

दुई सय कुकुरको बन्ध्याकरण गर्ने लक्ष्य

नेपालगन्ज ०६ असार । 
           नेपालगञ्जमा सामुदायिक कुकुरहरुको बन्ध्याकरण सुरु भएको छ । एनिमल नेपाल र जिल्ला पशु सेवा कार्यालय बाँकेको सहकार्यमा                                                                         नेपालगञ्ज उपमहानगरपालिकाले एक हप्ते बन्ध्याकरण शिविरको आयोजना गरेको हो । शिविरमा पहिलो दिन दुई दर्जन कुकुरको बन्ध्याकरण गरीएको छ ।

 सामुदायिक कुकुरहरुको बन्ध्याकरण गर्नकै लागी एनिमल नेपालको स्पेसल टिम काठमाडौ बाट झिकाइएको छ । एक सातामा दुई सय बढि कुकुरको बन्ध्याकरण गर्ने लक्ष्य रहेको नेपालगञ्ज उपमहानगरपालिका पशु सेवा शाखा प्रमुख तथा पशु चिकित्सक डा.अपार पौडेलले जानकारी दिए ।

स्पेसल टिमले नगरमा भएका सामुदायिक कुकुरहरुलाई जालीको सहाराले छोपेर भेटेनरी एम्बुलेन्समा राखी एक दिन आराम गर्न दिएर बन्ध्याकरण गराइने  प्रमुख पौडेलले बताए । कुकुरको जनसङख्यामा कमि ल्याई रेविज रोग नियन्त्रण गर्ने उदेश्यले लिइएको पौडेलले जनाए ।   नेपालगञ्जमा सामुदायिक कुकुरको संख्यामा अत्याधिक बृद्धि हुदाँ विभिन्न दुर्घटना समेत निम्तीएको भन्दै बन्ध्याकरण शिविर सञ्चालन गरीसकेपछि केहि सङख्यामा भएपनि कुकुरको जनसङख्यामा कमि आउने पौडेलले बताए । हाल नेपालगञ्ज क्षेत्रमा एक हजार बढी सामुदायिक कुकुरको रहेको उप महानगर पालिकाले जनाएको छ । 

किसानलाई साना सिचाई सामाग्री वितरण

   खजुरा ३१ जेष्ठ । 
         
          खजुरा गाउँपालिकाले व्यवसायिक कृषि समुह र सहकारीहरुलाई साना सिचाई  सामाग्री वितरण गरेको छ । गाउँपालिकामा रहेका ४ वटा कृषक समुह र सहकारीहरुलाई एक कार्यक्रमको आयोजना गरी सामाग्री वितरण गरीएको हो ।

साना सिचाई सामाग्री वितरण गर्दे गाउँपालिका अध्यक्ष किस्मत कुमार कक्षपतिले पाएको सामानको सहि सदुपयोग गर्न किसानहरुलाई अनुरोध गरे । कक्षपतिले खजुरालाई कृषिमा आत्मनिर्भर गराउने उद्देश्यले नयाँ योजना ल्याउन लागेको बताए । उनले यो वर्ष कृषिमा निशर्त बजेट आएको भन्दै आगामि वर्षमा कृषिमा क्षेत्रगत रुपमा बजेट ल्याउने तयारी गाउँपालिकाले गरेको जनाए । 

गाउँपालिका कृषि शाखाको अनुदान सहयोगमा वितरण गरीएको साना सिचाई सामाग्रीमा बोडिङ्ग सेट, पम्पसेट, मोटर, सिचाई पाइप रहेको थियो । खजुरा गाउँपालिका कृषि शाखाले साना सिचाई खरिदमा २ लाख ९१ हजार रुपैया अनुदान सहयोग  दिएको थियो भने कृषक समुहले ३६ हजार  ६ सय ६० रुपैया स्वयम लगानि गरेको गाउँपालिका कृषि शाखाका प्रमुख सुरेन्द्र ठाकुरले जानकारी दिए ।

 खजुरा गाउँपालिका वडा नम्बर २ सि गाउँमा रहेको शिव शंकर कृषक समुह, वडा नम्बर २ को लालीगुराँस कृषक समुह, वडा नम्बर ७ बठुवामा रहेको हरियाली कृषक समुह र वडा नम्बर ३ विगाउँमा रहेको दिप ससक्तीकरण कृषि सहकारी सस्थालाई वितरण गरीएको गाउँपालिकाले जनाएको छ ।